لە ماوەی 48 کاتژمێردا 710 کەس لە غەززە کوژراون

ئاڤا نیوز

 

هێرشەکانی ئیسرائیل بۆ سەر کەرتی غەززە بەردەوامە و تا دێت ژمارەی قوربانییان بەرزدەبێتەوە.

 

وێنە گەورەکە: لە ڕۆژی سێشەممەوە سوپای ئیسرائیل دوای 58 ڕۆژ لە ڕاگرتنی شەر، ئاگربەستی هەڵوەشاندەوە و هێرشێکی بەرفراوانی کردووەتە سەر کەرتی غەززە و دەڵێت، تاوەکو سەرجەم بارمتەکان ئازاد نەکرێن هێرشەکانیان ڕاناگرن.

 

ڕاگەیێنراوی فەرمی: وەزارەتی تەندروستی غەززە ڕایگەیاند: لە ڕۆژی سێشەممەوە تا ئەمڕۆ پێنجشەممە، بەهۆی بۆردوومانەکانی سوپای ئیسرائیل 710 کەس کوژراون و زیاتر لە 900 کەسی دیکەش برینداربوون کە برینی زۆربەیان سەختە، لەناو کوژراوەکان نزیکەی 200 منداڵ و 80 ئافرەت هەن.

 

ئەمەش بزانە: زۆربەی بریندارەکان بەهۆی نەبوونی دەرمان و خزمەتگوزاری پێویستی تەندروستییەوە گیانیان لەدەستداوە.

 

لەلایەکی دیکەوە: وتەبێژی سوپای ئیسرائیل ڕایگەیاند: سوپای ئیسرائیل بەردەوام دەبێت لە هێرشە ئاسمانییەکانی بۆ سەر پێگەکانی بزووتنەوەی حەماس تاوەکو سەرجەم بارمتەکان ئازاد دەکرێن.