زۆرینەی باڵیۆزی وڵاتان بۆ بەشداریكردن لە كەرنەڤاڵی نەورۆز گەیشتنە هەولێر

ئاڤا نیوز

بەمەبەستی بەشداریكردن لە كەرنەڤاڵی نەورۆزی ئاكرێ كە سەرۆكوەزیران مەسرور بارزانی ئامادەی دەبێت، باڵیۆزی زۆرینەی وڵاتان لە عێراق، بە سەردانێك گەیشتنە شاری هەولێر.

وێنە گەورەكە: ئێوارەی ئەمڕۆ لە شارۆچکەی ئاكرێ كە بە پایتەختی نەورۆز ناسراوە، بە ئامادەبوونی سەرۆكوەزیران مەسرور بارزانی، كەرنەڤاڵێكی گەورە و سەرنجڕاكێش بە بۆنەی جەژنی نەورۆز ساز دەكرێت و گەورەترین ئاگر هەڵدەكرێت.

زانیاریی پەیامنێر: هیشام سەعید، پەیامنێری ئاڤا میدیا لە هەولێر ڕایگەیاند: لەسەر بانگهێشتی سەرۆكوەزیران مەسرور بارزانی، كاتژمێر 10ـی بەرەبەیانی ئەمڕۆ پێنجشەممە، ژمارەیەکی زۆر لە باڵێوز و نێردەی دیبلۆماسی وڵاتان لە بەغداوە گەیشتنە فڕۆکەخانەی نێودەوڵەتیی هەولێر و لە لایەن سەفین دزەیی، بەرپرسی فەرمانگەی پەیوەندییەکانی دەرەوەی بە نوێنەرایەتی سەرۆكوەزیران پێشوازییان لێ كرا.