یەکشەممە چاودێری بینینی مانگ دەکرێت بۆ دیاریکردنی یەکەم ڕۆژی ڕەمەزان

ئاڤا نیوز

 

وەزارەتی ئەوقاف و کاروباری ئایینی هەرێمی کوردستان ڕۆژی یەکشەممەی داهاتوو چاودێری بینینی مانگ دەکات بۆ دیاریکردنی یەکەم ڕۆژی مانگی ڕەمەزان. 

 

لێدوانی فەرمی: نەبەز ئیسماعیل، گوتەبێژی وەزارەت و بەڕێوەبەری ئەوقافی هەولێر بۆ ئاڤا نیوز ڕایگەیاند: ئێوارەی ڕۆژی یەکشەممە 08-03-2024 لیژنەی باڵای بینینی مانگ لە دیوانی وەزارەتی ئەوقاف کۆدەبێتەوە و لەگەڵ لیژنە لاوەکییەکانی پارێزگا و ئیدارە سەربەخۆکان چاودێری بینینی مانگ دەکەن.

 

زانیاریی زیاتر: ئەگەر ئێوارەی ڕۆژی یەکشەممە مانگ بینرا، ڕۆژی دووشەممە دەبێتە یەکەم ڕۆژی مانگی ڕەمەزان، بەڵام ئەگەر نەبینرا، ڕۆژی سێشەممە یەکەم ڕۆژی مانگی پیرۆزی ڕەمەزان دەبێت. 

 

ئەوەی پێویستە بیزانیت: پێشتر ئەنجوومەنی باڵای فەتوای میسر ڕایگەیاندبوو، بەپێی شیکارییە فەلەکناسییەکان ڕۆژی دووشەممە 11ـی ئادار یەکەم ڕۆژی مانگی ڕەمەزان دەبێت و مانگ دەبینرێت.