واڵتز: ئەمریکا بەردەوام دەبێت لە هێرشکردنە سەر حووسییەکان

ئاڤا نیوز

 

ڕاوێژکاری ئاسایشی نیشتمانیی ئەمریکا لە چاوپێکەوتنێکدا ئاماژە بە هەڵوێستی ڕوونی وڵاتەکەی دەدات سەبارەت بە حووسییەکانی یەمەن و دەڵێت، ئامانجی باشمان پێکاوە و هێرشەکانمان بەردەوام دەبێت.

 

وێنە گەورەکە: دۆناڵد ترەمپ، سەرۆکی ئەمریکا هێرشێکی ئاسمانی تووند و بەرفراوان بۆ سەر گرووپە چەکدارەکانی یەمەن دەستپێکردووە و بەڵێنی بەردەوامی هێرش و لەناو بردنیان دەدات، ئەمەش دوای ئەوە دێت ئەو گرووپانە بوونەتە هۆی مەترسی بۆ سەر کشتییە بازرگانییەکانی ئەمریکا و ئیسرائیل. 

 

لێدوانی فەرمی: مایک واڵتز، ڕاوێژکاری ئاسایشی نیشتمانیی ئەمریکا ڕایگەیاند،'' هێرشە سەربازییەکانی ئەمریکا لە هەفتەی ڕابردووەوە بۆ سەر یەمەن دەستیپێکرد، چەند سەرکردەیەکی باڵای حووسییەکانی لەناو بردووە، هێرشەکانی  ئەمریکا بۆ سەر سەر بارەگاکانیان، ناوەندنی پەیوەندییەکانیان، کارگەکانی چەک و هەندێک لە دامەزراوەکانی بەرهەمهێنانی فڕۆکەی بێفڕۆکەوان''

 

ئەوەی لەبارەیەوە دەگوترێت: بەگوێرەی ڕاپۆرتێکی ڕۆژنامەی زە وۆڵ ستریت جۆرناڵ، ئاماژەی بەوەکردووە، لەناوبردنی سەرکردە حووسییەکان، یەکێکە لە ئامانجەکانی هێرشەکانی ئەمریکا بۆ سەر یەمەن، پێشتریش سەرچاوەکانی یەمەن ڕایانگەیاند، مەنسوور سەعدی، داڕێژەری هێرشە دەریاییەکانی حووسییەکان، لە هێرشێکی ئاسمانیی ئەمریکادا برینداربووە و گواستراوەتەوە بۆ نەخۆشخانە.