ڕێگەی سەرێ گری لە ئاكرێ بە دیزاینی سەردەمیانەی گەشتیاری دروست دەكرێت

ئاڤا نیوز

پڕۆژەیەكی دیكەی گرنگی گەشتیاری بە گوژمەی دوو ملیار و 500 ملیۆن دینار لە ئاكرێ جێبەجێ دەكرێت و بەكەمتر لە ساڵێك تەواو دەبێت.

وێنە گەورەكە: شەقامی سەرێ گری؛ ئەو ڕێگەیەی خەڵكی ئاكرێ لە جەژنی نەورۆزدا بە مەشخەڵی ئاگرەوە پێیدا سەردەكەون، بە ستاندەرێكی جوانی گەشتیاری چاكدەكرێت و شارەوانیی ئاكرێش دەڵێت 35%ـی كارەكانی تەواو بووە.

ڕاگەیێنراوی فەرمی: ماڵپەڕی فەرمی حكومەتی هەرێمی كوردستان بڵاوی كردووەتەوە، دروستكردنی ئەو ڕێگەیە لەچوارچێوەی پلانی كابینەی نۆیەمی حكومەتی هەرێمی كوردستانە بۆ فراوانكردنی ناوچەی گەشتیاریی سەرێ گری لە ئاكرێ، بەجۆرێک بۆ ئاهەنگەکانی نەورۆز و کۆبوونەوەی گەشتیاران زیاتر بشێت.

بۆچی گرنگە: بە تەواوبوونی پرۆژەکە خزمەتێکی زۆر بە خەڵکی ناوچەکە و گەشتیاران دەگەیەنێت و دەبێتە بەشێك لە پرۆژەیەكی ستراتیژیی گرنگ بۆ پەرەپێدانی سێكتەری گەشتیاریی ئاكرێ.