حکومەتی هەرێمی کوردستان حەوت ڕۆژ پشووی جەژنی ڕاگەیاند

ئاڤا نیوز

 

حکومەتی هەرێمی کوردستان، ڕۆژانی پشووی جەژنی ڕەمەزانی ڕاگەیاند و بەم بۆنەیەوە سەرجەم ڕۆژەکانی هەفتەی داهاتوو، پشووە.

 

وێنە گەورەکە: بەبۆنەی هاتنی جەژنی پیرۆزی ڕەمەزان لەسەرجەم دامودەزگاکانی حکومەتی هەرێمی کوردستان دەبێتە پشووی فەرمی، جگە لە سێ ڕۆژی جەژن، ڕۆژێک پێشتر و ڕۆژێک پاشتریش کرایە پشوو.

 

ڕاگەیێنراوی فەرمی: فەرمانگەی میدیا و زانیاریی حکومەتی هەرێمی کوردستان بڵاویکردووەتەوە، لە ڕۆژی یەکشەممەوە 30-3-2025 تاوەکو 5-4-2025، لەسەرجەم دامودەزگاکانی هەرێمی کوردستان پشووی فەرمی دەبێت.

 

ئەوەش بزانە: پێشتر ئاڤا میدیا وەک یەکەم دەزگای میدیایی زانیاریی لەبارەی پشووەکان بڵاوکردەوە و ڕایگەیاند، ڕۆژانی چوارشەممە و پێنجشەممەی هەفتەی داهاتوو، بەوپێیەی دەکەونە نێوان پشووەکانی جەژن و دوو پشووی فەرمی، ئەوا ڕاستەوخۆ دەکرێنە پشوو، خۆ ئەگەر ڕۆژی دووشەممە 31-3-2025، یەکەم ڕۆژی جەژن بێت، ئەوا تەنیا ڕۆژی پێنجشەممەی هەفتەی داهاتوو دەکرێتە پشوو، لەڕۆژی 6-4-2025، دەوام لە دامودەزگاکانی حکومەتی هەرێمی کوردستان ئاسایی دەبێتەوە تا ڕۆژی 9-4-2025،  کە بەبۆنەی 22ـەمین ساڵیادی پرۆسەی ئازادکردنی عێراق پشووی فەرمییە؛ واتە لە هەرێمی کوردستان دەبێتە پشوو، بەڵام حکومەتی عێراق ئەو پشووەی هەڵوەشاندووەتەوە.