کریستیانەکان لە دهۆک مەراسیمی جەژنی ئەکیتۆ دەگێڕن

ئاڤا نیوز

 

پێکهاتەکانی کلدان، سریان و ئاشووری لە ڕۆژی یەکی نیسان، لە ناوچە جیاوازەکانی هەرێمی کوردستان و عێراقەوە ڕوو لە شاری دهۆک دەکەن بەمەبەستی بەشداریکردن لە مەراسیمی جەژنی ئەکیتۆ.

وێنە گەورەکە:  ئەکیتۆ یاخود ئەکیتۆمە، سەری ساڵی بابلی یەکەم ڕۆژی سەری ساڵی 6775ـی بابلی ئاشوورییە کە دەکەوێتە ڕۆژی یەکی نیسان و ساڵانە پێکهاتەکانی کلدان، سریان و ئاشووریی هەرێمی کوردستان و عێراق، پیرۆزبایی جەژن لەیەکتر دەکەن، ئەمساڵ جەژنەکە تێکەڵ بەبۆنە و جەژنی موسوڵمانان و بەهار و سەیرانی خەڵکی کوردستان بووە.

 

ڕاگەیێنراوی فەرمی: بەبۆنەی جەژنی ئەکیتۆی کریستیانەکان، سەرۆکوەزیران مەسرور بارزانی پەیامێکی پیرۆزبایی لە تۆڕی کۆمەڵایەتی ئێکس بڵاوکردەوە و ڕایگەیاند، "پیرۆزبایی لە هەموو کلدان، سریان و ئاشوورییەکانی هەرێمی کوردستان دەکەم."

 

ئەوەی پێویستە بیزانیت: شاری دهۆک لە جەژنی ئەکیتۆ، کەشوهەوایێکی جیاواز بەخۆیەوە دەبینێت و سەدان هاووڵاتیی پێکهاتەکان بەجلوبەرگی کەلەپوری ڕەنگاوڕەنگ و ڕازاوە کە ڕەنگدانەوەی مێژوو و کولتوری ڕەسەنی خۆیانە، لە شەقامەکان دەڕۆن و بە سەماکردن و ژەنینی موزیک و نمایشی هونەری، ئەو یادە بەرز ڕادەگرن.