وەزیری ناوخۆی هەرێمی كوردستان و هاوتا بولگارییەکەی كۆ بوونەوە

ئاڤا نیوز

لە پەراوێزی بەشداریكردنی لە لووتكەی ئاسایشی سنوور لە بەریتانیا، وەزیری ناوخۆی هەرێمی كوردستان و وەزیری ناوخۆی بولگاریا كۆ بوونەوە.

وێنە گەورەكە: دوێنێ دووشەممە 31-3-2025، لووتكەی ئاسایشی سنوور بەفەرمی دەست بەكارەكانی كرد و دوو ڕۆژ دەخایێنێت، بۆ ئەم مەبەستەش ئێوارەی ڕۆژی یەكشەممە 30-3-2025، ڕێبەر ئەحمەد، وەزیری ناوخۆی هەرێمی كوردستان بە بانگهێشتنامەی فەرمی گەیشتە بەریتانیا.

بڵاوكراوەی فەرمی: لاپەڕەی وەزارەتی ناوخۆی هەرێمی كوردستان لە تۆڕی كۆمەڵایەتیی فەیسبووك بڵاوی كردەوە، لەچوارچێوەی بەشداریكردنی لە لووتكەی ئاسایشی سنوور لە بەریتانیا، ڕێبەر ئەحمەد لەگەڵ دانیا میتۆڤ، وەزیری ناوخۆی بولگاریا كۆبووەوە.

ئەوەی پێویستە بیزانیت: جگە لە وەزیری ناوخۆی بولگاریا، لە پەراوێزی بەشداریكردنی لە لووتكەی ئاسایشی سنوور، ڕێبەر ئەحمەد چاوی كەوتووە بە هەریەك لە وەزیری ناوخۆی ئەڵمانیا، وەزیری کۆچی هۆڵەندا، وەزیری دادی سوید، وەزیری کۆچی چین و ژمارەیەک وەزیر و  بەرپرسانی پایەبەرزی سنوور و ئاسایشی وڵاتانی دیکە.

لە لووتكەی ئاسایشی سنوور، چاوی كەوتووە ژمارەیەک وەزیر و  بەرپرسانی پایەبەرزی سنوور و ئاسایشی وڵاتان