وڵاتان ڕەخنە لە بڕیارێکی ترەمپ دەگرن

ئاڤا نیوز

سەرۆکی ئەمریکا باجی گشتگیر لەسەر هەموو هاوبەشە بازرگانییەکانی ئەمریکا لە سەرانسەری جیهاندا سەپاند، بەمەش وڵاتان هەڵوێستیان وەرگرت داوای هەڵوەشاندنەوەی بڕیارەکە دەکەن.

چیرۆکی سەرەکی: لە بڕیارێکی مێژوویی، دۆناڵد ترەمپ باجی گومرگی بەسەر تەواوی وڵاتاندا سەپاند، هەموو ئەو وڵاتانەش بە بەپرسیار دەزانێت کە مامەڵەی خراپیان لەگەڵ ئەمریکا کردووە.

لێدوانە فەرمییەکان:

دۆناڵد ترەمپ، سەرۆکی ئەمریکا وتی، ئەوروپا لە کاتێکدا هیچ بەرهەمێکی ئەمریکا هاوردە ناکات، کەچی گومرگیان بەسەر ئێمەدا سەپاندووە،  بۆیە بە ڕێژەی 20% گومرگ بەسەر ئەوروپا دەسەپێنین.

ئۆرسۆلا ڤۆن دێر لاین، سەرۆکی کۆمیسیۆنی یەکێتیی ئەوروپا ڕایگەیاند، ئەو باجەی ترەمپ، سەپاندی گوزرێکی وێرانکەرە بۆ ئابووریی جیهان، دەشڵێت یەکێتیی ئەوروپا ئامادەیە بۆ وەڵامدانەوەی ڕێوشوێنی بەرپەچدانەوەی ئەگەر دانوستانەکان شکستبهێنن.

لە لایەکی دیکەوە: چین داوا دەکات ئەمریکا دەستبەجێ باجەکانی هەڵبوەشێنێتەوە و هەڕەشەش دەکات کە ڕێوشوێنی بەرپەرچدانەوەی بگرێتەبەر بۆ پاراستنی بەرژەوەندییەکانی.