بەلەمێکی کۆچبەران لە تورکیا بە زیاتر لە 30 سەرنشینەوە نقووم بوو

ئاڤا نیوز

 

لە ناوچەی چەنەککەلێ لە تورکیا بەلەمێکی کۆچبەران کە دەیانویست بەرەو ئەوروپا بپەڕنەوە، بە زیاتر لە 30  سەرنشینەوە نقووم بوو، تیمەکانی فریاگوزاریی تورکیا 25 سەرنشینیان ڕزگارکرد و 5ـیان خنکان.

 

چیرۆکی سەرەکی: تیمەکانی پاسەوانیی کەناراوەکانی ئیجە دوای ئەوەی هەواڵیان پێدراوە، بەلەمێکی چووپ کە کۆچبەری قاچاغی هەڵگرتبوو و ژمارەیان 25 سەرنشین بوو، لە کەناراوەکانی ئایڤاجیک نووقم بوو، گەیشتوونەتە شوێنەکە و 25 کەسیان لەناو بەلەمەکە ڕزگارکردووە.

 

ئەوەی پێویستە بیزانیت: سەرنشینە ڕزگارکراوەکان گەیێنراونەتە نەخۆشخانەکانی چەنەککەلێ، بەڵام هێشتا زانیاری لەسەر ناسنامەکانیان بڵاونەکراوەتەوە.

 

زانیاریی زیاتر: بەپێی ڕاپۆرتە سەرەتاییەکان تەرمی 5 کەس دۆزراونەتەوە. هاوکات، هەوڵەکان بۆ گەڕان و دۆزینەوەی سەرنشینەکانی دیکە بەردەوامە.