فوئاد حوسێن بەشداری لە کۆڕبەندی دیپلۆماسی ئەنتاڵیا دەکات

ئاڤا نیوز

بۆ بەشداریکردن لە کۆڕبەندی دیپلۆماسی ئەنتاڵیای 2025، جێگری سەرۆکوەزیران و وەزیری دەرەوەی عێراق  گەیشتە تورکیا.

چیرۆکی سەرەکی: بە بەشداری ژمارەیەک سەرۆکی وڵاتان و حکومەت، وەزیرانی دەرەوە  و ڕێکخراوی نێودەوڵەتیی و بە دروشمی داکۆکیکردن لە دیپلۆماسییەت لە جیهانێکی دابەشکراودا، بڕیارە خولی چوارەمی کۆڕبەندی دیپلۆماسی ئەنتاڵیا (ADF2025) لە 11 تا 13-4-2025 لەشاری ئەنتاڵیای تورکیا بەڕێوەبچێت.

زانیاریی بەدەستهاتوو: ئەمڕۆ پێنجشەممە 10-4-2025، فوئاد حوسێن، جێگری سەرۆکوەزیران و وەزیری دەرەوەی عێراق، گەیشتە شاری ئەنتاڵیا لە تورکیا، بۆ بەشداریکردن لە لە کۆڕبەندی دیپلۆماسی ئەنتاڵیای  2025.

زانیاریی زیاتر:  بەپێی خشتە و کارنامەی دانیشتنەکانی کۆڕبەندەکە، بەشداربووان تاوتوێی ئاستەنگەکانی بەردەم کۆمەڵگەی نێودەوڵەتی و ڕێگاکانی بەرزکردنەوەی لێکتێگەیشتن لە نێوان وڵاتاندا دەکەن.