ئێران: دانوستان لەگەڵ ئەمریکا دەرفەتێکی ڕاستەقینەیە

ئاڤا نیوز

ئێران ڕایگەیاند، دانوستانەکانی لەگەڵ ئەمریکا کە بڕیارە ڕۆژی شەممە لە عومان بەڕێوە بچن، دەرفەتێکی ڕاستەقینەیە بۆ ئەمریکا.

لێدوانی فەرمی: ئیسماعیل بەقایی، گوتەبێژی وەزارەتی دەرەوەی ئێران، لە تۆڕی کۆمەڵایەتیی ئێکس، ڕایگەیاند "ئێمە بە نیازپاکی و هۆشیاریی تەواو بە دیپلۆماسی دەرفەتێکی ڕاستەقینە دەڕەخسێنین".

- دەبێت ئەمریکا قەدری ئەم دەرفەتە بزانێت.

ئەوەی پێویستە بیزانیت: بڕیارە ڕۆژی شەممە، 14-4-2025، ستیڤ ویتکۆف، نێردەی سەرۆکی ئەمریکا بۆ ڕۆژهەڵاتی ناوەڕاست و عەباس عێراقچی، وەزیری دەرەوەی ئێران، لە عومان کۆببنەوە و سەبارەت بە پرسی ئەتۆمی گفتوگۆ بکەن.

ئەمەش بزانە: ئێران دەڵێت، ئەم دانوستانانە ناڕاستەوخۆن و ئەمریکاش ڕایگەیاندووە بەشێوەی ڕاستەخۆ بەڕێوەدەچن.