سەرۆکی هەرێمی کوردستان لەگەڵ ئەحمەد شەرع کۆدەبێتەوە

ئاڤا نیوز

لە میانەی بەشداریکردنی لە چوارەمین کۆڕبەندی دیپلۆماسی ئەنتاڵیا، نێچیرڤان بارزانی، سەرۆکی هەرێمی کوردستان لەگەڵ ئەحمەد شەرع، سەرۆککۆماری سووریا کۆبووەوە.

وێنە گەورەکە: ڕۆژی هەینی 2025-04-11، چوارەمین کۆڕبەندی دیپلۆماسی ئەنتاڵیا بە بەشداری دەیان سەرۆک و سەرکردەی وڵاتان، لە نێویاندا سەرۆکی هەرێمی کوردستان لە شاری ئەنتاڵیای تورکیا دەستی بە کارەکانی کرد، لە کۆڕبەندەکەدا سەرۆکی هەرێمی کوردستان کۆبوونەوەی لەگەڵ هەریەک لە سەرۆککۆماری تورکیا و سەرۆککۆماری سووریا کرد.

لێدوانی فەرمی: نێچیرڤان بارزانی، سەرۆکی هەرێمی کوردستان لە هەژماری خۆی لە تۆڕی کۆمەڵایەتی ئێکس ڕایگەیاند، خۆشحاڵبووم لەگەڵ  ئەحمەد شەرع کۆبوومەوە و باسمان لە دۆخی سووریا کرد.

ئەحمەد شەرع روانگەی خۆی بۆ سووریای داهاتوو خستەڕوو، کە هەموو خەڵکی وڵاتەکە لە ئامێز بگرێت. ستایشی ڕوانگەی گشتگیرییانم کرد و دڵنیام کردەوە لەوەی بەردەوام پشتیوانی دەکەین.

٠ هەروەها پابەندبوونی هاوبەشی خۆمان بە شەڕی بەردەوامی دژی داعش دووپاتکردەوە. دڵخۆش بووم بە پابەندبوونی بەڕێزیان بە ئاشتی و ئاسایشی ناوچەکە.