ناوەڕۆکی کۆبوونەوەکەی سەرۆک بارزانی و سوودانی

ئاڤا نیوز

 

سەرۆک مەسعود بارزانی لە سەڵاحەددین پێشوازی لە محەممەد شیاع سوودانی، سەرۆکوەزیرانی حکومەتی عێراق کرد و پەیوەندی نێوان حکومەتی هەرێمی کوردستان و عێراق بەشێک بووە لە تەوەرەی گفتوگۆی نێوانیان.

 

وێنە گەورەکە: چەند ڕۆژێکە جوڵەی دیپلۆماسی گرنگ لە ناوچەکە ڕوودەدەن، هاتنی سەرۆکوەزیرانی عێراق بۆ هەولێر بەشێکە لەو جوڵە گرنگەی لەبارەی پرسی هەناردەکردنەوەی نەوت و پەیوەندی دوولایەنە کراوە.

 

ڕاگەیێنراوی فەرمی: بارەگای بارزانی ڕایگەیاند، ئەمڕۆ شەممە لە سەڵاحەددین سەرۆک مەسعود بارزانی پێشوازی لە محەممەد شیاع سوودانی، سەرۆكی ئەنجوومەنی وەزیرانی عێراقی فیدڕاڵ كرد. چەند تەوەرێک لە دانیشتنەکە باسکران  کە ئەمانە بوون:

- گفتوگۆ لەبارەی بارودۆخی سیاسی و دوایین گۆڕانكاری و پێشهاتەكان لەسەر ئاستی هەرێمایەتی و ناوچەكە كرا.

-  هەماهەنگیی نێوان لایەنە عێراقییەكان بۆ تێپەڕاندنی قەیران و ئاڵنگارییەكان و چارەسەریی كێشەكان.
-   پەیوەندییەكانی نێوان حكوومەتی هەرێمی كوردستان و حكوومەتی عێراقی فیدڕاڵ.