150 تیمی بەرگریی شارستانی بەدوای تەرمی ئاڤێستادا دەگەڕێن

ئاڤا نیوز

ماوەی هەشت ڕۆژە گەڕان بە دوای تەرمی ئاڤێستای تەمەن 27 ساڵاندا بەردەوامە و ئاڤا ئاستەنگەکانی بەردەم دۆزینەوەی تەرمەکەی ئاشکرا دەکات.

وێنە گەوەکە: ڕۆژی 5ـی نیسان، ئاڤێستا یوسف بەرزنجی، تەمەن 27 ساڵ و دانیشتووی شاری هەولێر، کەوتە نێو ڕووباری تەنگاتوور لە قەزای مێرگەسۆر، بەمەش ماوەی هەشت ڕۆژە لە ئاسمان و زەوییەوە گەڕان بەدوایدا بەردەوامە.

لە پەیامنێرەوە: عوبێد بەشار، پەیامنێری ئاڤا میدیا لە شوێنی ڕووداوەکە ڕایگەیاند: 150 تیمی بەرگریی شارستانی هەرێمی کوردستان و دەیان خۆبەخش بە درێژایی ڕووبارەکە لە مێرگەسۆرەوە تاوەکو قەزای خەبات بە دوای تەرمی ئاڤێستادا دەگەڕێن.

ئاستەنگەکانی بەردەم دۆزینەوەی تەرمی ئاڤێستا چین؟

- ئاوی ڕووبارەکە بە هۆی بارانبارینەوە بە تەواوی لێل بووە، بەمەش کاری بەرگریی شارشتانی ئەستەمتر کردووە و تیمەکان ناتوانن لەژێر ئاودا بەدوای ئاڤێستادا بگەڕێن.

- ئاوی ڕووبارەکە سارد و بەخوڕە، بەمەش تەرمی ئاڤێستا سەر ئاو نەکەوتووە.

ئەوەی پێویستە بیزانیت: بە درێژایی ڕووبارەکە، تیمەکانی بەرگریی شارستانی و خۆبەخشان چاودێری بارودۆخەکە دەکەن و گەڕان بەدوای ئاڤێستادا بەردەوامە، پارێزگاری هەولێریش ڕایگەیاند: لەسەر فەرمان و ڕاسپاردەکانی سەرۆک بارزانی هەموو هەوڵێک بۆ دۆزینەوەی ئاڤێستا خراوەتە گەڕ.