ترەمپ: هێرشەکەی ڕووسیا بۆ سەر ئۆکراینا ترسێنەر بوو

ئاڤا نیوز

دۆناڵد ترەمپ هێرشی ڕووسیا بۆ سەر شاری سومی ئۆکراینا بە هێرشێکی ترسناک ناوزەند دەکات و بەڵێنی ڕاگرتنی جەنگەکە دەدات.

چیرۆکی سەرەکی: لە چوارچێوەی  بەردەوامی جەنگی نێوان ڕووسیا و ئۆکراینا و لە ئەنجامی هێرشێکی ئاسمانی ڕووسیا بۆ سەر شاری سومی لە باکووری ڕۆژهەڵاتی ئۆکراینا زیاد لە 34 کەس کوژران.

لێدوانی فەرمی: دۆناڵد ترەمپ، سەرۆکی ئەمریکا لە سەر فڕۆکەی سەرۆکایەتی بە میدیاکارانی ڕاگەیاند:" هێرشەکەی ڕووسیا ترسناک و شۆک بوو، هەرچەندە وتیان بە هەڵە هێرشەکەیان ئەنجامداوە، بەڵام خودی جەنگەکە ترسێنەرە، چونکە ملیۆنان کەس کە دەبوو زیندوو بوونایە بەهۆی ئەم جەنگەوە مردن، گەر من سەرۆک بوومایە هیچ کات ڕێگەم نەدەدا جەنگ ڕووبدات و ئەم جەنگە ڕادەگرم."

ئەوەی پێویستە بیزانیت: کۆبوونەوەکانی نێوان ئەمریکا و ڕووسیا بۆ بڕیاردان لەسەر کۆتایهێنان بە جەنگ لە ئۆکراینا بەردەوامن و بە گوتەی دۆناڵد ترەمپ، سەرۆکی ئەمریکا دانوستانەکان ئەرێنی بەڕێوەدەچن و لە زووترین کاتدا جەنگ کۆتایی دێت.