هەفتانە 15 هەزار هەنگاو بەپێ بڕۆ سێ ساڵ تەمەنت زیاد دەبێت

ئاڤا نیوز

توێژینەوەكان دەریدەخەن ئەگەر ڕۆژانە بە پێ پیاسە بكەیت و هەفتانە 15 هەزار  هەنگاو بڕۆیت سێ ساڵ تەمەنت بۆ زیاد دەبێت.

وێنە گەورەكە: بەردەوام پزیشكەكان ئامۆژگاریمان دەكەن زۆر بەپێ بڕۆین، لە تازەترین توێژینەوەدا دەركەوتووە، ئەگەر لە هەفتەیەكدا 15 هەزار هەنگاو بڕۆیت دەبێتە هۆی ئەوەی تەمەنت درێژببێت و تەندروستییەكی باشت هەبێت.

بڵاوكراوەی فەرمی: بەپێی ئەو توێژینەوەیەی كە لەلایەن كۆمپانیای بیمەی ڤیتالیتەوە ئەنجامدراوە، وەرزشكردنی بەردەوام دەتوانێت باشتربوونی بەرچاو لە تەندروستی گشتی  بهێنێتە ئاراوە، بەتایبەتی بۆ نەوە كۆنەكان.

ئەمەش بزانە: بە ئەنجامدانی چالاكی جەستەیی سادە وەك ڕۆشتنی پێنج هەزار هەنگاو سێ جار لە هەفتەیەكدا، بە لایەنی كەم دەتوانێت لە نێوان دوو ساڵ و نیو بۆ پیاوان و سێ ساڵ بۆ ژنان زیاد بكات، ئەمەش جگە لە كەمكردنەوەی ڕێژەی تووشبوون بە نەخۆشی شەكرەی جۆری دووەم و كەمكردنەوەی ئەگەری مردن.