لایەنەکانی چوارچێوەی هەماهەنگی بە لیستی جیا بەشداریی هەڵبژاردن دەکەن

ئاڤا نیوز

 

هێزە سیاسییەکانی پێکهێنەری هاوپەیمانیی چوارچێوەی هەماهەنگی بڕیاریاندا هەر یەکەو بە لیستی جیا بەشداری لە هەڵبژاردنی داهاتووی پەرلەمانی عێراق بکەن و دوای هەڵبژاردن هاوپەیمانێتییەکە پێکبێننەوە.

 

وێنە گەورەکە: ئێوارەی ڕۆژی دووشەممە، سەرکردەکانی هاوپەیمانیی چوارچێوەی هەماهەنگی کۆبوونەوەی ژمارەی 225ی ئاسایی خۆیان ئەنجامدا، دوایین پێشهاتە سیاسی، ئابووری و ئەمنییەکانیان لە عێراق و ناوچەکە تاوتوێ کرد.

 

ڕاگەیێنراوی فەرمی: چوارچێوەی هەماهەنگی لە بەیاننامەیەکەدا ڕایگەیاند: چوارچێوەی هەماهەنگی بڕیاری دا بە چەندین لیستی جیا بەشداریی هەڵبژاردن بکەن، دوای دەرئەنجامی هەڵبژاردن کۆدەبنەوە و هاوپەیمانی "چوارچێوەی هەماهەنگی" پێکدێنن.

 

- هاوپەیمانێتییەکە دووپاتی کردەوە هەڵبژاردن لە وادەی دیاریکراوی خۆیدا بەڕێوەبچێت.

 

زانیاریی زیاتر: ڕۆژی 11-11-2025، هەڵبژاردنی خولی شەشەمی پەرلەمانی عێراق بەڕێوەدەچێت، دەرگای تۆمارکردنی هاوپەیمانی و حیزب و کاندیدی سەربەخۆ بۆ بەشداریکردن لە هەڵبژاردن تاوەکو 4ی مانگی داهاتوو کراوە دەبێت.