کرێملین: چاوەڕێی ئۆکرایناین بۆ دەستپێکردنی دانووستان

ئاڤا نیوز

دوای ڕاگەیاندنی ئاگربەستێکی سێ ڕۆژە لەلایەن ڕووسیاوە، کرێملین چاوەڕێی کێیڤ دەکات کە بە ئاگربەستەکە ڕازی بێت.

وێنە گەورەکە: دوای هەوڵێکی زۆر، دواجار سەرۆکی ڕووسیا بڕیاریدا بۆ ماوەی سێ ڕۆژ ئاگربەست لەگەڵ ئۆکراینا ڕابگەیێنت، کۆشكی کرێملین ئاشکرای دەکات کە تاوەکو ئێستا هیچ هەڵوێستێکی ڕوون لەلایەن کێیڤەوە نیە سەبارەت بەو ئاگربەستە سێ ڕۆژەی کە بۆ مانگی داهاتوو ڕایگەیاندووە.

لێدوانی فەرمی: دیمیتری پێسکۆڤ، وتەبێژی کرێملین ڕایگەیاند، ڤلادێمیر پووتین سەرۆکی ڕووسیا چەندین جار ڕایگەیاندووە کە ڕووسیا ئامادەیە بەبێ هیچ مەرجێکی پێشوەختە، دەست بە دانووستاندن لەگەڵ ئۆکراینا بکات، "بەڵام تاوەکو ئێستا هیچ وەڵامێکمان کیێڤەوە وەرنەگرتووە".

ئەوەی پێویستە بیزانیت: پووتین، ئاگربەستێکی کاتی لەگەڵ ئۆکراینا ڕاگەیاند بۆ ماوەی سێ ڕۆژ بەردەوام دەبێت، ئاگربەستەکە لە ڕۆژانی 8 بۆ  10ی مانگی 5 دەبێت و هیچ هێرشێک ئەنجام نادرێت، لەبەرامبەر ئەمەدا ئۆکراینا دەستبەجێی ڕەخنەی لە ئاگربەستە کرد و ڕایگەیاند، بۆچی پابەندی ئاگربەستی 30 ڕۆژە نابێت و ئەم جەنگە ڕابگرێت.