ڕێژەی 81٪ ـی دەنگدەرانی دهۆک خۆیان بۆ دەنگدانی پەرلەمانی عێراق تۆمارکردووە

ئاڤا نیوز

پرۆسەی نوێکردنەوە و دەرهێنانی کارتی بایۆمەتری دەنگدان بۆ هەڵبژاردنی ئەنجوومەنی نوێنەرانی عێراق بەردەوامە، 19٪ـی دەنگدەرانی دهۆک خۆیان تۆمارنەکردووە و کەمتر لە مانگێک لەبەردەمیان ماوە، بۆ ئەوەی کارەکانیان تەواو بکەن.

 

وێنە گەورەکە: بڕیارە ڕۆژی 2025-11-11، هەڵبژاردنی خولی شەشەمی ئەنجوومەنی نوێنەرانی عێراق بەڕێوەبچێت؛ لە کۆی 944 هەزار و 994 کەس لە دهۆک کە مافی بەشداریکردن لە دەنگدانیان هەیە، نزیکەی 26 هەزاریان لەدایکبووی 2007 ـن و یەکەم جارە دەنگ دەدەن.

 

لێدوانی فەرمی: خالد عەباس، بەرپرسی ئۆفیسی دهۆکی کۆمیسیۆنی هەڵبژاردنەکانی عێراق بە ئاڤای گوت، "پرۆسەی خۆتۆمارکردن بەردەوامە، تاوەکو ئێستا 81٪ـی دەنگدەران کە دەکاتە 765 هەزار و 445 کەس تۆماکراون و مامەڵەکانیان نوێ کردووەتەوە."

 

باکگراوند: سەرەتای مانگی چوار ئەنجوومەنی وەزیرانی فیدڕاڵ بڕیاری دا ڕۆژی 11ی تشرینی دووەمی 2025 هەڵبژاردنی خولی شەشەمی پەرلەمانی عێراق بەڕێوەبچێت.