بڕی هەزار و 300 مێگاوات کارەبا لە کێڵگەی کۆرمۆر زیاد دەکرێت

ئاڤا نیوز

 

بەهۆی نۆژەنکردنەوە و چاکسازی  لە کێڵگەی کۆرمۆر بەرهەمهێنانی کارەبا هەزار و 300 مێگاوات زیاد دەکات.

وێنە گەورەکە: ماوەی مانگێکە کۆمپانیای دانە غاز دەستی کردووە بە پرۆسەی چاکسازی لە کێڵگەی غازی کۆرمۆر و بەشێوەیەکی چڕ کاری لێ دەکرێت, ئێستا هەرێمی کوردستان خاوەنی 7500 مێگاوات کارەبایە، بەهۆی چاکسازی لە کێڵگەی کۆرمۆر و فراوانکردن و تەواوبوونی چەن پڕۆژەیەکی دیکە، تاوەکو کۆتایی ئەمساڵ دەگاتە زیاتر لە 9 هەزار مێگاوات.


لێدوانی فەرمی: ئومێد محەممەد، وتەبێژی وەزارەتی کارەبا بە ئاڤای وت، کاتێک چاکسازیی لە کێڵگەکە تەواو بوو، سەرەتا دەبێتە هۆی زیادبوونی هەزار مێگاوات کارەبا، دواتر کاتێک پرۆسەکە تەواو دەبێت، دەگاتە هەزار و 300 مێگاوات کارەبا.

- پرۆسەی زیادکردنی ئەو ‌غازەی پێی دەڵێن ئێم کەی 250 بەردەوامە، بڕیارە لەگەڵ تەواو بوونی چاکسازی لە کێڵگەکە بڕی 250 ملیۆن پێ سێجا غاز زیاد بێت.

- ئەم پرۆسەیە دەبوو تا مانگی چواری ئەمساڵ تەواو بووایە، بەڵام بەهۆی هێرشە درۆنییەکانی ڕابردوو، پرۆسەکە دواکەوت و چاوەڕوان دەکرێت کۆتایی ئەمساڵ پرۆسەی چاکسازییەکە کۆتایی بێت.