نێچیرڤان بارزانی: ئۆندەر نموونه‌یه‌کی باڵای ئاشتیخوازی و مرۆڤپه‌روه‌ری بوو

ئاڤا نیوز

سەرۆکی هەرێمی کوردستان بۆ کۆچی دوای سری سورەییا ئوندەر پەیامێکی سەرەخۆشی بڵاودەکاتەوە و دەڵێت، هه‌میشه‌ یادی ئەو له‌ ویژدانی هه‌موو ئه‌وانه‌دا که‌ بڕوایان به‌ ئاشتییه‌، به‌ زیندوویی ده‌مێنێته‌وه‌.

چیرۆکی سەرەکی: سری سورەییا ئوندەر، ئەندامی شاندی ئیمرالی و یاریدەدەری سەرۆکی پەرلەمانی تورکیا، دوای 18 ڕۆژ مانەوەی لە نەخۆشخانە، ئەمڕۆ شەممە کۆچی دوای کرد.

پەیامی فەرمی: نێچیرڤان بارزانی، سەرۆکی هەرێمی کوردستان ڕایگەیاند:

٠ به‌داخه‌وه‌ هه‌واڵی کۆچی دوایی سیاسه‌تمه‌داری ناوداری تورکیا سری سوره‌ییا ئۆنده‌رم بیست، سه‌ره‌خۆشیی قووڵم پێشکه‌ش به‌ خێزان و که‌سوکار و هاوڕێیانی و ده‌م پارتی ده‌که‌م، هاوسۆز و هاوخه‌میانم. 

٠ ئۆنده‌ر چ وه‌ک یاریده‌ده‌ری سه‌رۆکی په‌رله‌مانی تورکیا و چ وه‌ک ئه‌ندامی شاندی ئیمرالی، به‌ ڕۆڵ و هه‌وڵ و تێکۆشانی له‌پێناو سه‌رخستنی پرۆسه‌ی ئاشتی له‌ تورکیا، به‌ بیر و کرده‌وه‌ و کارکردنی له‌پێناو ئاشتی و برایه‌تی و پێکه‌وه‌ژیان، نموونه‌یه‌کی باڵای ئاشتیخوازی و مرۆڤپه‌روه‌ریی نیشاندا که‌ جێی ڕێز و پێزانینی هه‌مووان بوو.