مایکرۆسۆفت کۆتایی بە سکایپ هێنا

ئاڤا نیوز

ئەپڵیکەیشنی سکایپ بۆ هەمیشە ماڵئاوای لە بەکارهێنەرانی دەکات و وەکو شوێنگرەوەیەک کۆمپانیای مایکرۆسۆفت داوادەکات ڕوو لە بەکارهێنانی مایکرۆسۆفت تیمز بکەن.

 

 وێنە گەورەکە: لە ساڵی 2003 بۆ جاری یەکەم سکایپ دامەزرا، ئەو کاتە گۆڕانکارییەکی گەورە بوو لە جیهانی پەیوەندییەکان و چەندین تایبەتمەندی جیاوازی هەبوو کە لە دیارترینیان ئەنجامدانی پەیوەندییە ڤیدیۆییەکان، لە ساڵی 2011 کۆمپانیای مایکرۆسۆفت سکایپی کڕیەوە، دوای ئەوماوە زۆرە و دروستبوونی ڕکابەری زۆر و پێشکەوتوو، ئێستا گۆڕانکارییەکان ئاڕاستەکردنی بەکارهێنەرانە بۆ مایکرۆسۆفت تیمز.

لێدوانی فەرمی: جیڤ تیبەر، بەرپرسی بەشی ئەپڵیکەیشن لە کۆمپانیای مایکرۆسۆفت ئاشکرای کردووە، مەبەست لەو هەنگاوە ئاسانکارییە بۆ پەیوەندییەکان لە نێوان بەکارهێنەران، بۆیە لە ئەمڕۆوە سکایپ بۆ هەمیشە وەستاوە. 

-    کۆمپانیاکە داوا لە بەکارهێنەرانی دەکات ڕوو لە بەکارهێنانی مایکرۆسۆفت تیمس بکەن. 
 
زانیاریی زیاتر: ئەم هەنگاوەی مایکرۆسۆفت گۆڕانکارییەکی گەورەیە لە جیهانی تەکنەلۆژیادا، چونکە ئەم ئەپلیکەیشنە ماوەی 20 ساڵ بەکارهێنەرانی لە دەوری خۆی کۆکردووەتەوە لەسەرتاسەری جیهاندا.