سوودانی دەگەڕێتەوە بەغدا

ئاڤا نیوز

دوای ئەوەی زنجیرەیەک یاداشت و لێکتێگەیشتنی لە ئەنقەرە لەگەڵ سەرۆککۆماری تورکیا واژۆ کرد، محەممەد شیاع سوودانی، سەرۆکوەزیرانی عێراق کۆتایی بە سەردانەکەی هێنا و گەڕایەوە بەغدا.

 

چیرۆکی سەرەکی: ڕۆژی پێنجشەممە 8-5-2025,  محەممەد شیاع سوودانی، سەرۆکوەزیرانی عێراق بە یاوەری شاندێکی باڵا گەیشتە ئەنقەرە و لەگەڵ ڕەجەب تەیب ئەردۆغان، سەرۆککۆماری تورکیا ڕێککەوتننامەیەکی 11 خاڵییان لە بوارەکانی سەربازی و ڕووبەڕووبوونەوەی تیرۆر، گۆڕانکارییەکانی کەشوهەوا و بەرەنگاربوونەوە و ڕێگریکردن لە بازرگانی ماددەی هۆشبەر واژۆکرد.

 

ڕاگەیێنراوی فەرمی: نووسینگەی ڕاگەیاندنی سەرۆکوەزیرانی عێراق لەبەیاننامەیەکدا ڕایگەیاند: سوودانی کۆتایی بە سەردانە فەرمییەکەی بۆ ئەنقەرەی پایتەختی تورکیا هێنا و گەڕایەوە بەغدا .

 

زانیاریی زیاتر: بەیاننامەکەی نووسینگەی ڕاگەیاندنی سەرۆکوەزیرانی عێراق ئاماژەی بەوە کرد،  سەردانەكەی سوودانی، پەیوەندییە دوقۆڵییەكانی نێوان هەردو وڵات لە بوارە جیاجیاكاندا، بەهێز دەكات.