کۆمیسیۆن: نزیکەی نیوەی کاندیدان تەمەنیان لە خوار 40 ساڵییە

شەیری بکە لە:
کۆمیسیۆن: نزیکەی نیوەی کاندیدان تەمەنیان لە خوار 40 ساڵییە

دیمەنی پۆستەری کاندیدان. وێنە؛ محەممەد شوانی

ئاڤا نیوز

کۆمیسیۆنی هەڵبژاردنەکانی عێراق، ئاماری کاندیدانی گەنج بۆ پرۆسەی هەڵبژاردنی ئەمجارە بڵاودەکاتەوە. بەگوێرەی داتای کۆمیسیۆن، دووەم جارە ڕێژەی کاندیدانی گەنج ئەم ژمارەیە تۆمار بکات.

ڕاگەیێنراوی فەرمی: کۆمیسیۆنی باڵای سەربەخۆی هەڵبژاردنەکانی عێراق ڕایگەیاندووە، لە کۆی حەوت هەزار و 754 کاندید، 40%ـیان تەمەنیان لەخوار 40 ساڵیدایە، نزیکەی 15%ـیان تەمەنیان لە خوار 35 ساڵەوەیە واتە تەمەنیان لە نێوان 28 بۆ 35 ساڵیدایە.

زانیاریی زیاتر: کاندیدانی هەڵبژاردنی خولی پێشووی پەرلەمان لە ساڵی 2021، ڕێژەی کاندیدەکانی خوار تەمەنی 30 ساڵ تەنیا 24% بوو، بەپێی ئامارەکانی کۆمیسیۆن، ڕێژەی مامناوەندی تەمەنی پەرلەمانتارانی ئەم خولەی پەرلەمان نزیکەی 55 ساڵ بوو.

کاریگەریی و لێکەوتەکان: ئەم ژمارەیە پەرەسەندنی ئارەزووی گەنجان بۆ داڕشتنی داهاتووی وڵات نیشان دەدات، هاوکات ئەم لێشاوە نوێیەی کاندیدە گەنجەکان ڕەنگە بەشێک لە عێراقییەکان ڕازی بکات بۆ یەکەمجار دەنگ بدەن.

زیاتر لەسەر ئەم بابەتانە بکۆڵەرەوە

شەیری بکە لە:

دوایین هەواڵەکان

هەڵبژاردەکان بۆ تۆ