قەتەر کۆشکێک لە ئاسماندا بە دیاری بە ترەمپ دەدات

ئاڤا نیوز

وڵاتی قەتەر بەنرخترین دیاری لە مێژوودا پێشکەشی ئەمریکا دەکات و ئیدارەی ترەمپیش دەڵێن قبووڵمانە دیارییەکە وەربگرین.

وێنە گەورەکە: فڕۆکەی سەرۆکایەتی ئەمریکا کۆن بووە و کۆمپانیای بۆینگیش بە ترەمپیان ڕاگەیاندووە لەم ماوەیەی سەرۆکایەتییەدا فریا ناکەون فڕۆکەیەکی نوێی بۆ دروستبکەن. قەتەریش فڕۆکەیەکی پێشکەوتوو دەکاتە دیاری بۆ ترەمپ.

زانیاری زیاتر: فڕۆکەکە ناوی جامبۆ سوپەر لوکسە خاوەندارێتییەکەی دەگەڕێتەوە بۆ بنەماڵەی میری قەتەر و بە نرخترین دیارییە کە تائێستا لەلایەن حکومەتێکی بیانییەوە بدرێت بە ئەمریکا.

ئەمەش بزانە: فڕۆکەکە هێندە بە تەکنەلۆژیای پێشکەوتوو و ناوازە دروستکراوە بە کۆشکێکی فڕیو لە ئاسماندا ناسراوە.

ئەوەی پێویستە بیزانیت: بڕیارە کاتێک دۆناڵد ترەمپ سەردانی قەتەری کرد فڕۆکەکەی لە مەراسیمێکدا پێشکەش بکرێت.

باکگراوند: پێشتر ترەمپ لە شاری فلۆریدای ئەمریکا گەشتێکی بەم فڕۆکەیە کردووە و پێی سەرسام بووە، نرخەکەی دەگاتە 400 ملیۆن دۆلار، بەڵام چونکە فڕۆکەکە لەلایەن سەرۆکی ئەمریکاوە بەکاردەهێنرێت، ئەو وڵاتە پێشکەوتووترین سیستمی پاراستنی فڕۆکەی تێدا جێگیر دەکەن.