حەوت ماددەی خۆراك وەك سەبەتەی سێیەمی ئەمساڵ دابەش دەكرێت

ئاڤا نیوز

بەڕێوەبەرایەتیی بازرگانیی كەلوپەلی خۆراكی هەولێر ئاشكرای دەكات، لە سەبەتەی بەشەخۆراكی ئەمجارە دوو ماددەی خۆراكی زیادكراونەتەوە و ئەم مانگە حەوت ماددەی خۆراك دابەش دەكرێت.

وێنە گەورەکە: لەماوەی ڕابردوودا تەنها دوو سەبەتەی بەشەخۆراکی مانگانەی ساڵی نوێ دابەشکراوە بەبێ زەیت و نۆك، کە بەهۆی کێشەیەکی تەکنیکی زەیت لەسەرجەم عێراق دابەشنەکرا و دواکەوت، ئێستا کێشەکە چارەسەر کراوە و ڕێژەیەکی زۆر زەیت گەیشتووەتە هەرێمی کوردستان.

ڕاگەیێنراوی فەرمی: بەڕێوەبەرایەتیی بازرگانیی كەلوپەلی خۆراكی هەولێر، لە ڕاگەیێنراوێكدا داوای لە بریكارەكانی دابەشكردنی خۆراك لە سەنتەری هەولێر و دەوروبەری كردووە، سبەی دووشەممە 2025-05-12 سەردانیان بكەن بۆ پێشكەشكرنی پارەی لیستی بریكاری، بەمەبەستی ڕادەستكردنی سەبەتەی سێیەمی بەشەخۆراكی هاووڵاتیان.

ئەوەی پێویستە بیزانیت: حەوت ماددەی خۆراك وەك سەبەتەی سێیەم دابەش دەكرێن بەمشێوەیە:

٠ زەیت: بۆ هەر کەسێک یەك لیتر (920 گم)

٠ شەكر: بۆ هەر کەسێک یەك كیلۆگرام

٠ برنج: بۆ هەر کەسێک 3 كیلۆگرام

٠ نیسك: 500 گرام بۆ هەر کەسێک

٠ نۆك: 250 گرام بۆ هەر کەسێک

٠ ئارینۆك: 250 گرام بۆ هەر کەسێک

٠ دۆشاوی تەماتە: یەك قووتی بچووك (400 گرام) بۆ هەر کەسێک