ژمارەیەك پرۆژەی خزمەتگوزاری لە شارەدێی ڕۆڤیا جێبەجێ دەكرێن

ئاڤا نیوز

ژمارەیەك پڕۆژەی خزمەتگوزاریی گرنگ لە سەنتەری ناحیەی ڕۆڤیا جێبەجێ دەكرێن كە تێچووەكەی لەسەر داهاتی شارەوانی دهۆک دابین دەكرێت.

ڕاگەیێنراوی فەرمی: بەگوێرەی ڕاگەیێنراوی بەڕێوەبەرایەتیی گشتیی شارەوانییەكانی دهۆك، پرۆژەیەكی گەورەی خزمەتگوزارییەكانی قیرتاوكردن، ئاوەڕۆ و كۆنكرێتكردن، لە سەنتەری ناحیەی ڕۆڤیا جێبەجێ كرا.

وردەكاری پرۆژەكان: گوژمەی پرۆژەكه‌ 421 ملیۆن دینارە و لەسەر داهاتی فرۆشتنی زەویی شارەوانی دابین كراوە، پێكهاتووە لە قیرتاوكردنی شەقام بە درێژیی 550 مەتر و كۆنكرێتكردنی 340 مەتر و 760 مەتر دروستكردنی ئاوەڕۆ.

بۆچی گرنگە: ئەو پڕۆژەیە یەكێكە لە پرۆژە گرنگەكانی سنووری شارەوانیی ڕۆڤیا و دەبێتە ئاسانكاری بۆ دانیشتووانی سنوورەكە و بەرزكردنەوەی ئاستی خزمەتگوزارییەكانی شارەوانیی ڕۆڤیا.