فایلی خەڵک؛ بەشێک لە دانیشتووانی گوڵانی بنەسڵاوە کێشەی ئاوی خواردنەوەیان هەیە

ئاڤا نیوز

دانیشتووانی کۆڵانێکی گەڕەکی گوڵانی بنەسڵاوە کێشەی کەمی ئاوی خواردنەوەیان هەیە، بەجۆرێک کۆڵانەکە ماڵەکانی لای ڕاست ئاویان هەیە، لای چەپەکەی ئاویان نییە. بەسۆندە لە دراوسێکانی بەرمبەریان ئاو دەهێنن.

چیرۆکی سەرەکی:  چوار ساڵە کێشەی کەمئاوی لەو گەڕەکە هەیە هەموو ساڵێک لە مانگی 6 تا مانگی 10 بێ ئاو دەبن و تاوەکو ئێستا چارەسەر نەکراوە.

لێدوانی فەرمی: خەڵکی ئەم گەڕەکە بە ئاڤایان وت. ئەوانەی لای ڕاست کێشەیان نییە بەهۆی ئەوەی بۆڕیەکی قاچاغ لە ژێر خانووەکانیاندا هەیە و بۆریان بۆ خۆیان ڕاکێشاوە، ئەوانی دیکەش ئاو ناگات بە ماڵەکانیان دەڵێن بەڕێوەبەرایەتی ئاوی بنەسڵاوە بۆیان چارەسەر نەکردووین.

بۆچوونی لایەنی بەرامبەر: ئاراس موحسین، بەڕێوەبەری فەرمانگەی ئاوی بنەسڵاوە بە ئاڤای ڕاگەیاند: ئەمساڵ ئاگادار نین کە ئەوانە بێ ئاون و کەس نەهاتووەتە لای ئێمە هەموو ساڵێک بە تەنکەر ئاومان بۆ دابینکردوون تا بێ ئاو نەبن ئەوانەشی بۆری قاچاغیان ڕاکێشاوە ئەو بۆریە پیشتر کە ڕاکێشرابوو بۆ شوێنێکی تر ئێستا خانووی لەسەر کراوە و چاوپۆشیمان لێ کردووە تا خەڵک سوودی لی ببینن، دەشڵێت با بێنە لامان هەوڵدەدەین ئاویان بۆ دابین بکەین، ئاوی ژێرزەوی کەمیکردووە تاکە چارەسەریش پڕۆژەی خزمەتگوزاری خێرای ئاوە بۆ بنەسڵاوە و کاری باشی تێداکراوە و لە تەواوبووندایە لەگەڵ گەیشتنی ئەو پڕۆژەیە و دەستبەکار کردنی ئەو کێشانەمان نامێنن.