ئەحمەد داودئۆغڵو لەڕێگەی فڕۆکەخانەی کەرکووکەوە دەچیتە سلێمانی

ئاڤا نیوز

 

بەهۆی ڕاگرتنی گەشتەکانی ئاسمانییەکانی نێوان تورکیا - سلێمانی، ئەحمەد داودئۆغڵو، سەرۆکی حیزبی ئایندەی تورکی لە ڕێگەی فڕۆکەخانەی کەرکووکەوە بۆ بەشداریکردن لە کۆڕبەندێکی ئابووری دەچیتە سلێمانی. 

 

چیرۆکی سەرەکی: بەرەبەیانی ئەمرۆ یەکشەممە، سەرۆکی حیزبی ئایندە بە سەردانێکی فەرمی گەیشتە پارێزگای کەرکووک و لەلایەن ڕێبوار تەها، پارێزگاری کەرکووک پێشوازی لێکرا، دواتر ڕاستەوخۆ بەرەو سلێمانی بەڕێکەوتووە. 

 

زانیاریی زیاتر: ئامانج لەسەردانەکەی داودئۆغڵو، بەشداریکردنە لە کۆڕبەندی ئابووری دێڵفییە کە ئەمڕۆ یەکشەممە لە شاری سلێمانی کارەکانی دەستپێدەکات، بڕیاریشە چەندین سەرکردەی سیاسی ناوچەکە و وڵاتانی دیکەش ئامادەییان هەبێت. 

 

ئەمەش بزانە: هۆکاری سەردانەکەی ئەحمەد داودئۆغڵو بۆ کەرکووک ڕاگرتنی گەشتە ئاسمانییەکانی نێوان تورکیا – سلێمانی بووە، هەروەها وەکو کەسێکی ئاسایی لەگەڵ خێزانەکەی بە فڕۆکەیەکی گەشتیاری هاتووەتە کەرکووک.