لە عێراق قوتابیانی پۆلی سێی ناوەندی تاقیکردنەوەی وزاری دەکەن

ئاڤا نیوز

 

ئەمڕۆ سێشەممە، بە بەشداریی 665 هەزار قوتابی لەسەرتاسەری عێراق، قوتابییانی پۆلی سێیەمی ناوەندی تاقیکردنەوەی وزاری دەکەن.

 

وێنە گەورەکە: لە کۆتایی وەرزی خوێندنی هەموو ساڵێک قوتابییانی پۆلی سێیەمی ناوەندی بۆ جیاکردنەوەی بەشەکانیان لە زانستی و وێژەی تاقیکردنەوەی وزاری دەکەن، بۆ ئەم مەبەستەش وەزارەتی پەروەردە چەندین ڕێککار دەگرێتەبەر. 

 

لێدوانی فەرمی: کەریم سەید، وتەبێژی وەزارەتی پەروەردەی عێراق ڕایگەیاند: زیاتر لە 665 هەزار قوتابی پۆلی نۆیەم، لە زیاتر لە 5 هەزار و 200 ناوەندی خوێندن تاقیکردنەوەی وزاری دەکەن لەسەرتاسەری وڵاتدا. 

 

زانیاریی زیاتر: ئەمساڵ ڕێککارێکی نوێی دیجتاڵی بۆ سەرپەرشتی و ڕێکخستنی ناوەندی تاقیکردنەوەکان گیراوەتەبەر، هاوکات ناوەندەکان بە کامێرای چاودێری کۆنترۆڵ کراون.