پارێزگاری نوێی سەڵاحەددین هەڵبژێردرا

ئاڤا نیوز 

ئەحمەد فەحل، بەربژێری جەماهیری وەتەنییە بە زۆرینەی دەنگ بە پارێزگاری نوێی سەڵاحەددین هەڵبژێردرا.

چیرۆکی سەرەکی: ئەمڕۆ ئەنجوومەنی پارێزگای سەڵاحەددین بۆ هەڵبژاردنی پارێزگار کۆبووەوە، 14 بەربژێر خۆیان بۆ وەرگرتنی پۆستەکە کاندید کردبوو دواتر یەکێکیان کشایەوە، بە 13 دەنگیش ئەحمەد فەحل وەک پارێزگار ‌هەڵبژدرا.

ئەوەی پێویستە بیزانیت: ڕۆژی 17-02-2024، سەرۆككۆماری عێراق ڕەتیكردەوە فەرمانی سەرۆكایەتی دەربكات بۆ دەستنیشانكردنی ئەحمەد جبووری وەک پارێزگاری سەڵاحەددین، بەهۆی ئەوەی دۆسیەی تاوانکاری لەسەر بوو.

لێدوانی فەرمی: یاسین محەممەد، ئەندامی ئەنجوومەنی پارێزگای سەڵاحەددین بە ئاڤا نیوزی گوت: چوارچێوەی هەماهەنگی بەشداریی لە حکومەتی خۆجێیی پارێزگای سەڵاحەددین دەکات و دوو لە ئەندامەکانیان دەنگیان بۆ هەڵبژاردنی پارێزگار دا. 

بۆچی گرنگە: پارێزگای سەڵاحەددین لە 17 یەکەی کارگێڕی پێکدێت، ژمارەی دانیشتووانەکەی زیاتر لە یەک ملیۆن و 500 هەزار کەسە، 155 هەزار کورد لەو پارێزگایە هەن، لە هەڵبژاردنی ڕابردوودا 40 هەزار دەنگدەری کورد مافی دەنگدانیان هەبوو، لە کۆی 15 کورسی ئەنجوومەنی پارێزگا کورد ئێستا خاوەنی یەک کورسییە و کورسییەکەش هی یەکێتییە.