یەکەم ئۆتۆمبێلی نوێی تاکسی لە سلێمانی تۆمار کرا

ئاڤا نیوز

 

بەڕێوەبەرایەتیی هاتووچۆی سلێمانی تۆمارکردنی یەکەم ئۆتۆمبێلی نوێی تاکسی لە سنووری پارێزگاکە ڕادەگەیێنێت.

 

وێنە گەورەکە: بەمەبەستی پاراستنی ژینگەی هەرێمی کوردستان و باشترکردنی خزمەتگوزارییەکانی گواستنەوە و گەیاندن بۆ هاووڵاتیان، وەزارەتی ناوخۆ ڕێگەی بە شۆفێرانی تاکسی و خوازیاران دا کە ئۆتۆمبێلە کارەبایی و هایبێردە مۆدێل نوێیەکان بهێننە هەرێمی کوردستان و بیکەنە تاکسی، لەم چوارچێوەیەشدا لە تەواوی پارێزگاکان هاونیشتمانیان دەستیان بە تۆمارکردنی تاکسی نوێ کرد.

 

بڵاوکراوەی فەرمی: بەڕێوەبەرایەتیی هاتووچۆی سلێمانی، وێنەی یەکەم ئۆتۆمبێلی نوێی تاکسی لەگەڵ شۆفێرەکەی لە سلێمانی بڵاوکردووەتەوە و ڕایدەگەیێنێت: ئۆتۆمبێلەکە بەپێی ڕێنمایی وەزارەتی ناوخۆی حکومەتی هەرێمی کوردستان ژمارە سێی ساڵی 2025 تۆمار کراوە.

 

بۆچی گرنگە: بە نوێکردنەوەی تاکسییەکان، جگە لەوەی سیمایەکی نوێ بە کەرتی گواستنەوە و گەیاندنی کوردستان دەبەخشێت، هەزاران ئۆتۆمبێلی مۆدێل کۆن لە کارکردن بەشێوەی تاکسی دەوەستێنرێن.