بۆڕی ئاوی ئیفراز چاککرایەوە و ئەمشەو ئاو بە گەڕەکەکان دەگاتەوە

ئاڤا نیوز

بۆڕی ئاوی ئیفراز چاککرایەوە و بەڕێوەبەرایەتی ئاو و ئاوەڕۆی هەرێمی کوردستانیش دەڵێت 'ئەمشەو ئاو بە بەشێک لە گەڕەکەکان دەگاتەوە'.

چیرۆکی سەرەکی: ڕۆژی 2025-05-19، بۆری ئاوی ئیفراز سێ لەنێوان گوندەکانی دارەبەن و گەزنە لە هەولێر شکاوە، هەمان ڕۆژ لەلایەن تیمەکانی ئەندازەی بەڕێوەبەرایەتی ئاو و ئاوەڕۆی هەرێمی کوردستان دەست بە چاککردنەوەی بۆڕییەکە کرا.

لێدوانی فەرمی: ئاری ئەحمەد، بەڕێوەبەری گشتیی ئاو و ئاوەڕۆی هەرێمی کوردستان، بە ئاڤا میدیای ڕاگەیاند: کاتژمێر 10ـی بەیانی بۆرێ ئاوی ئیفراز سێ چاککرایەوە.

زانیاریی زیاتر: بەڕێوەبەری گشتیی ئاو و ئاوەڕۆ دەڵێت: ئێستا خەزانی ئاوەکان پڕدەکرێن، کاتژمێر 10ـی ئەمشەو ئاو بەسەر بەشێک لە گەڕەکەکان دابەش دەکرێت، ئەو گەڕەکەکانەی دیکەش کە دەمێننەوە سبەی ئاویان پێدەگات.

ئەوەی پێویستە بیزانیت: بۆڕی ئاوی ئیفراز سێ 33%ـی شاری هەولێری لەسەرە کە سنووری شارەوانییەکانی سێ و چوار و بەشێک لە شارەوانییەکانی یەک و پێنجیش دەگرێتەوە.