وڵاتان نیگەرانی خۆیان بۆ هێرشەکەی واشنتن دەردەبڕن

ئاڤا نیوز

دوای ئەوەی لە هێرشێکدا، دوو کارمەندی باڵیۆزخانەی ئیسرائیل لە نزیک مۆزەخانەی جووەکان لە واشنتن کوژراون، وڵاتان پەیامی هاوخەمی دەنێرێن و ئیدانەی هێرشەکە دەکەن.

چیرۆکی سەرەکی:  شەوی 21-5-2025، لە نزیک مۆزەخانەی جووەکان لە واشنتن دی سی دوو کارمەندی باڵیۆزخانەی ئیسرائیل کوژران، پۆلیسی واشنتن ناسنامەی تۆمەتبارەکەیان ئاشکرا کردووە کە ناوی 'ئیلیاس ڕۆدرێگز' ـە  تەمەنی 30 ساڵە.

کاریگەری  و لێکەوتەکان: ئەم ڕووداوە کاردانەوەی وڵاتانی جیهانی بەدوای خۆیدا هێنا، لەوانەش:

ئیسرائیل: سەرۆکی وڵاتەکە لەبارەی هێرشەکەوە ئاشكرای دەکات، تیرۆر و ڕق و کینە شکست بە وڵاتەکە ناهێنن.

ئەمریکا: هەر یەکە لە سەرۆکی وڵاتەکە و وەزیری دەرەوە ئیدانەی هێرشەکە دەکەن دەڵێن ئەمریکا شوێنی ڕق و کینە و کردەوەی تووندڕەوی نییە.

٠ فەرەنسا: وەزیری دەرەوەی وڵاتەکە دەڵێت، ئەوەی ئەمجامداروە کردەوەیەکی قێزەونی دژ بە جووەکانە هیچ پاساوێک بۆ ئەم توندوتیژییە نییە.

٠ بەریتانیا: وەزیری دەرەوەی وڵاتەکە، هاوخەمی خۆی ئاراستەی خێزانی قوربانییەکان کرد، ئیدانەی هێرشەکەش دەکات.

٠ ئەڵمانیا: ڕاوێژکاری وڵاتەکە بەتووندی ئیدانەی ئەم هێرشەی کرد، دەڵێت ئەم کردەوەیە ناشرینە و جێگەی قبووڵ نییە.

چین: وەزیری دەرەوەی وڵاتەکە ‌هێرشەکە شەرمەزار دەکات و دەڵێت هێرشکردنە سەر پێگە دیپلۆماسییەکان مەترسی دروست دەکات.