پاسپۆرتی سلێمانی ئاگادارییەك ئاراستەی كوردانی تاراوگە دەكات

ئاڤا نیوز

 

بەڕێوەبەرایەتیی پاسپۆرتی سلێمانی كوردانی تاراوگە ئاگادار دەكاتەوە كە چیدیكە بۆ دەركردن و نوێكردنەوەی پاسپۆرت كار بە [سوڕە قەید] ناكرێت و پێویستە كارتی نیشتمانییان هەبێت.

 

بڵاوكراوەی فەرمی: بەڕێوەبەرایەتیی پاسپۆرتی سلێمانی هاووڵاتیانی دەرەوەی هەرێمی كوردستان و عێراق ئاگادار دەكاتەوە كە لەمەودوا بۆ دەرکردن و نوێکردنەوەی پاسپۆرت بە هیچ جۆرێک کار بە سوڕە قەیدی ئەلیكترۆنی ناکرێت، چونکە بە بڕیاری وەزارەتی ناوخۆی حکومەتی فیدڕاڵی كاركردن پێی ڕاگیراوە.

 

زانیاریی زیاتر: بەڕێوەبەرایەتییەكە ئاماژەی بە ئەوەش دا، بۆ دەركردن و نوێكردنەوەی پاسپۆرت، كارتی نیشتمانیی پێویستە و تەنیا بەو بەڵگەنامەیە مامەڵەكان ڕایی دەكرێن، داوا لە كوردانی دەرەوەی وڵات دەكات كە پێویستە لە كاتی گەڕانەوەیان بۆ هەرێمی كوردستان مۆڵەتی 30 ڕۆژ لە كارەكانیان وەربگرن، چونكە ئەگەر كارتی نیشتمانییان نەبێت ئەوا تەنیا تەواوبوونی كارتی نیشتمانی ماوەی 20 بۆ 30 ڕۆژی پێویستە.