گەڕێ پێنجەمی گفتوگۆ ئەتۆمییەکان بەڕێوەدەچێت

ئاڤا نیوز
 

ئەمڕۆ هەینی، 23-5-2025، گەڕی پێنجەمی کۆبوونەوەکانی نێوان ئێران و ئەمریکا سەبارەت بە پرسی ئەتۆمی، لە ڕۆمای پایتەختی ئیتاڵیا، بەڕێوەدەچێت. 

 

وێنە گەورەکە: ئەمریکا و ئێران چوار خولی دانوستانی ناڕاستەوخۆیان لەسەر بەرنامە ئەتۆمییەکەی ئێران  ئەنجامداوە، بەڵام تاوەکو ئێستا هەردوو لا لەسەر چەندین پرس ناکۆکن، ئەمریکا چەندین جار دووپاتیکردووەتەوە نابێت ئێران بە هیچ شێوەیەک ببێتە خاوەنی چەکی ئەتۆمی.

زانیاریی زیاتر: لە گەڕێ ئەمجاری کۆبوونەوەکاندا، جگە لە ستیڤ ویتکۆف، نێردەی تایبەتی سەرۆکی ئەمریکا بۆ ڕۆژهەڵاتی ناوەڕاست و بەرپرسی شاندی دانوستانکاری ئەمریکی، مایکڵ ئەنتوان، بەرێوەبەری بەشی پلاندانان لە وەزارەتی دەرەوەی ئەمریکاش ئامادەی کۆبوونەوەکان دەبێت.

 

لەلایەکی دیکەوە: پێشتر ویتکۆف ڕایگەیاندبوو، ڕێگە نادرێت ئێران تەنانەت بە ڕێژەی 1٪ـیش یۆرانیۆم بپیتێنێت. لایەنی ئێرانی ئەمەی ڕەتکردووەتەوە و ڕایگەیاندووە ئەوە بە واتای وەستانی کۆبوونەوەکانە.