عێراق هاوردەکردنی چەند بەرهەمێکی کشتوکاڵی قەدەغە دەکات

ئاڤا نیوز

ئەنجوومەنی وزاری بۆ کاروباری ئابووری هاوردەکردنی چەند بەربوومێکی کشتوکاڵی قەدەغە دەکات و ڕێگری لە هاوردەکردنی شیشی کوالێتی نزمیش دەکات. 

 

وێنە گەورەکە:  بەمەبەستی پاڵپشتیکردن لە بەرهەمی ناوخۆی و ساغکردنەوەی لە بازاڕەکاندا، ئەنجوومەنی وزاری عێراق بۆ کاروباری ئابووری، بڕیاریداوە هاوردەکردنی ژمارەیەک له بەروبوومی کشتوکاڵی ڕابگرێت.

 

ڕاگەیێنراوی فەرمی: بەگوێرەی ڕاگەیێنراوی نووسینگەی ڕاگەیاندنی ئەنجوومەنەکە، لەمەودوا هاوردەکردنی شوتی، کاڵەک، باینجان، کولەکە و تەماتە لەدەرەوەی عێراقەوە بۆ ناوخۆی عێراق قەدەغە دەکرێت.

 

زانیاریی زیاتر: لەسەر داواکاری وەزارەتی پلاندانان، ئەنجوومەنی وەزاری عێراق بۆ کاروباری ئابووری، بڕیاریدا دەسەڵات بە فەرماندەی دەروازە سنوورییەکان، گومرگەکان و لایەنە پەیوەندیدارەکانی دیکە بدات، ڕێوشوێنی پێویست بگرنەبەر بۆ ڕێگریکردن لە هاوردەکردنی شیشی کوالیتی نزم و دووبارە گەڕاندنەوەی بۆ ئەو وڵاتەی لێوەی هاتووە.