ئەنجامی تاقیکردنەوەی نیشتمانی ڕاگەیێنرا

ئاڤا نیوز

 

وەزارەتی پەروەردەی حکومەتی هەرێمی کوردستان، ئەمساڵ لە ڕێگەی ئەپڵیکەیشنێکەوە ئەنجامی تاقیکردنەوەی نیشتمانی پۆلی نۆیەمی بنەڕەتی بڵاوکردەوە. 

 

ڕاگەیێنراوی فەرمی: وەزارەتی پەروەردەی حکومەتی هەرێمی کوردستان ڕایگەیاند: ئاگاداری سەرجەم قوتابییانی پۆلی نۆیەمی بنەڕەتی دەکەینەوە، ئێستا ئەنجامی تاقیکردنەوەی نیشتمانی خولی یەکەمی  ساڵی خوێندنی 2024-2025 لە ئەپڵیکەیشنی ئی هەڵسەنگاندن (e-halsangandn) لەسەر هەردوو سیستمی کارپێکردنی Android و IOS بەردەستە.

 

زانیاریی زیاتر: ساڵانی ڕابردوو قوتابییان لە ڕێگەی وێب سایتێکی تایبەتەوە دەیان توانی ئەنجامەکانیان وەربگرنەوە بەهۆی زۆری ژمارەی سەردانی کردنیشەوە درەنگ دەتوانرا ئەنجامەکان وەربگرنەوە، بەڵام ئەمساڵ لە ڕێگەی ئەپڵیکەیشنەوە کارەکان ڕێکخراون. 

ئەوەی پێویستە بیزانیت: خوێندکاران دەتوانن لە سیستمی کارپێکردنی Android و IOS ئەپڵیکەیشنی e-halsangandn دابگرن و سکان کۆدی هەژماری کەسی خۆیان بکەن.