خزمەتگوزاری دەگەیەنرێتە زەوییەکانی کەرتی 48ـی پێشمەرگە

ئاڤا نیوز

 

ئەمڕۆ بەردی بناغەی جێبەجێکردنی پرۆژەیەکی خزمەتگوزاری بۆ زەوییەکانی کەرتی 48ـی پێشمەرگە لە قەزای بەحرکە دانرا، پرۆژەکە لەلایەن سەرۆکایەتیی شارەوانیی هەولێر جێبەجێدەکرێت.

 

لێدوانی فەرمی: ساسان عەونی، وەزیری شارەوانی و گەشتوگوزاری کوردستان ڕایگەیاند، ئەم پرۆژەیە بە گوژمەی نزیکەی سێ ملیار و 500 ملیۆن دینار لەسەر بودجەی پەرەپێدانی وەزارەتی شارەوانی جێبەجێدەکرێت، ئەمەش دوای نزیکەی شەش مانگ لە تاپۆکردنی زەوییەکانی ئەم کەرتەیە.

 

زانیاریی زیاتر: پرۆژەکە پێکهاتووە لە خۆڵکاری و تێکەڵڕێژکردنی جۆری A بۆ شەقامەکانی 12م، 15م، 20م، 30م و 60م، کە تێکڕای درێژی شەقامەکان 48 کیلۆمەترە و ڕووبەری شەقامەکان 840 هەزار مەتردووجایە.