گەڕێکی دیکەی دانوستانەکانی ڕووسیا و ئۆکراینا کۆتایی هات

ئاڤا نیوز

گەڕی دووەمی دانوستانەکانی نێوان ڕووسیا و ئۆکراینا لە ئەستەنبووڵ بەڕێوەچوو و زێلێنسکیش دەڵێت، ئامادەن دیلی دیکەی جەنگ ئازاد بکەن.

وێنە گەورەکە: بۆ ڕاگەیاندنی ئاگربەست، ڕووسیا و ئۆکراینا چەند جارێک کۆبوونەتەوە و چەند جارێکیش لە دانووستانەکانی نێوانیان ڕێککەتن لەسەر چەند بابەتێک کراوە. لەم دوایانەشدا بە نێوەندگیریی تورکیا دانووستان لەنێوان شاندی باڵای هەردوولا کراوە و بەرەوپێشچوونیش لە دانووستانەکاندا هەبووە.

لێدوانی فەرمی: ڤۆلۆدیمێر زێلێنسکی، سەرۆکی ئۆکراینا ڕایگەیاند، بە نێوەندگیریی ئەمریکا بەڵگەنامەمان لەگەڵ ڕووسیا ئاڵوگۆڕ کردووە و "ئامادەین بۆ ئاڵوگۆڕکردنی بەشێکی دیکە لە دیلەکانی جەنگ".

لەلایەکی دیکەوە: ڕوستێم ئومێرۆڤ، سەرۆکی شاندی دانوستانکار و وەزیری بەرگریی ئۆکراینا ڕایگەیاند، "ڕێککەوتین لەسەر ئاڵوگۆڕکردنی دیلەکانی جەنگ کە بە سەختی بریندارن و دۆخی تەندروستییان باش نییە، هەروەها ڕێککەوتین لەسەر گەڕاندنەوەی تەرمی شەش هەزار تەرمی سەربازەکان لە هەردوولا".

بە تەنیشت ئەم بابەتەوە: ئۆنگۆ کیسێل، وتەبێژی وەزارەتی دەرەوەی تورکیا ڕایگەیاند، بە شێوەیەکی نەرێنی کۆبوونەوەی ڕووسیا  ئۆکراینا کۆتایی نەهات و دانوستانەکان زیاتر لە کاتژمێرێکیان خایاند.

بۆچوونی لایەنی بەرامبەر: ڤلادیمێر مێدنسکی، سەرۆکی شاندی دانوستانکاری ڕووسیا ڕایگەیاند، "پێشنیازمان بۆ ئۆکراینا کرد بۆ ماوەی دوو بۆ سێ ڕۆژ ئاگربەست ڕابگەیێنرێت".