حەماس: ئامادەین حکومەتی غەززە ڕادەست بکەین

ئاڤا نیوز

 بەرپرسێکی باڵای حەماس ڕایگەیاند، ئامادەن حکومەتی غەززە ڕادەست بکەن و لایەنێکی دیکە کەرتەکە بەڕێوە ببات.

لێدوانی فەرمی: خەلیل حەییە، بەرپرسی باڵای حەماس گوتی، هەوڵیان بۆ ئەوەیە ڕێککەوتنێک بێتە ئاراوە بەهۆیەوە دیلەکان ئازاد بکرێن و ئیسرائیل لە کەرتی غەززە بکشێتەوە.

ئەو گوتیشی، لەسەر زۆربەی خاڵەکانی پێشنیازەکەی ئەمریکا ڕازی بوون، بەڵام لایەنی ئیسرائیلی ئەو پێشنیازەشی ڕەتکردەوە.

ئەو بەرپرسەی حەماس گوتیشی ئەوان پێشنیازەکەی ستیڤ ویتکۆف، نێردەی تایبەتی سەرۆکی ئەمریکایان ڕەت نەکردووەتەوە، بەڵکو چەند هەموارێکیان پێشنیاز کردووە کە بۆ پێشنیازەکە زیاد بکرێن.