لە ئەمریکا 60 کەس بەهۆی خۆپیشاندانەوە دەستگیرکران

ئاڤا نیوز

پۆلیسی سانفرانسیسکۆ دەستگیرکردنی ژمارەیەک خۆپیشاندەر لە باکووری شاری کالیفۆرنیا ڕادەگەیێنێت، ئەویش دوای ئەوەی بە مەبەستی ناڕەزایەتی دەربڕین لە بەرامبەر هەڵمەتەکانی دۆناڵد ترەمپ دژ بە کۆچبەران کۆبوونەوە.

وێنە گەورەکە: دوای ئەوەی دۆناڵد ترەمپ، سەرۆکی ئەمریکا  قەدەغەکردنی چوونە ژوورەوەی هاووڵاتیانی 12 وڵاتی ڕاگەیاند، گرژی لەسەر سیاسەتە تووندەکانی دژە کۆچبەری ئیدارەکەی ترەمپ بەرزبووەتەوە و پێکدادانی زۆر لە نێوان خۆپیشاندەران و هێزە ئەمنییەکان لە ناوچە و شارە جیاجیاکانی ئەمریکا دروست بووە.

ئەوەی پێویستە بیزانیت: ناڕەزایەتییەکەی سانفرانسیسکۆ دوای ئەو خۆپیشاندانانە دێت کە لە ناوەندی شاری لۆس ئەنجلس بەهۆی هەڵمەتەکانی کۆچبەرانەوە دەستیپێکردووە و لە ئەنجامدا دەیان کەس دەستگیرکراون کە دەسەڵاتداران دەڵێن، کۆچبەری نایاسایی و ئەندامانی باندەکانن، پۆلیس  گازی فرمێسک ڕێژ بۆ بڵاوەپێکردنی کۆبوونەوەی خۆپێشاندەران بەکاردەهێنێت، هەروەها خۆپیشاندەران ئاگریان لە ئۆتۆمبێلەکان بەرداوە.

زانیاری زیاتر: دەسەڵاتداران و خۆپیشاندەران دوای هەڵمەتەکانی کۆچبەران بۆ چوارەم ڕۆژ پێکدادان لەنێوانیاندا هەیە،  نزیکەی 300 پاسەوانی نیشتمانی لە سێ ناوچەی شاری لۆس ئەنجلس جێگیرکراون، دوای ئەوەی ترەمپ بۆ پاراستنی کارمەندان و موڵک و ماڵی فیدراڵی جێگیریانی کرد، ئەمە یەکەمجارە سەرۆکێک لە ماوەی دەیان ساڵدا بەبێ داواکاری و ڕەزامەندی دەوڵەت پەیوەندی بە پاسەوانی نیشتمانی بکات، هەروەها 500 هێزی دەریایی ئامادەکراون بۆ بڵاوەپێکردن.