زێلێنسکی: دانوستانەکان لەبارەی ئاڵوگۆڕی زیندانییەکان لەگەڵ ڕووسیا بەردەوامە

ڕەوەند ئازاد

سەرۆکی ئۆکراینا لەبارەی ئاڵوگۆڕی زیندانییەکان ئاشکرای دەکات، دانووستان لەگەڵ ڕووسیا ڕۆژانە بەردەوامە، خولی داهاتووش بۆ دانووستان لەگەڵ ڕووسیا چەند ڕۆژێکی دیکە بەڕێوەدەچێت.

وێنە گەورەکە: لەمیانەی کۆبوونەوەکەی 2ی حوزەیران لە نێوان شاندی ڕووسیا و ئۆکراینا کە لە تورکیا بەڕێوەچوو، مۆسکۆ یاداشتی پێشنیازەکانی پێشکەش بە لایەنی ئۆکراینی کرد، تیایدا هەردوو شاند ڕێککەوتن لەسەر پرسی ئاڵۆگۆرکردن و  گەڕاندنەوەی تەرمی سەربازە کوژراوەکانی جەنگ.

لێدوانی فەرمی: ڤۆلۆدیمیر زێلێنسکی، سەرۆکی ئۆکراینا لە تۆڕی کۆمەڵایەتی ئێکس ڕایگەیاند، ئاڵوگۆڕی نوێی زیندانییەکان لەگەڵ ڕووسیا بەردەوامە و کیێڤ یەکەم گرووپی دیلەکانی لە ڕووسیا وەرگرتووە.

- لە چەند ڕۆژی داهاتوودا بە چەند قۆناغێک گۆڕینەوەی دیلەکان لەنێوان هەردوولا بەردەوام دەبێت.

ئاماژەی بەوەشکرد، "لەنێو ئەوانەی ئێستا دەیانهێنینەوە، بەشێکیان بریندارن و برینەکانیان سەختن و تەمەنیان لە خوار 25  ساڵییەوەیە".