هێزی دەریایی ئیسرائیل بەشداری لە ئۆپەراسیۆنی دژی بە حووسییەکان دەکات

ئاڤا نیوز

 

کەناڵی ئەلمەسیرە لە یەمەن کە سەر بە حوسییەکانی یەمەنە، ڕۆژی سێشەممە لە ڕاپۆرتێکدا ڕایگەیاند کە ئیسرائیل هێرشی ئاسمانی و دەریایی کردووەتە سەر شاری حودەیدەی یەمەن.

 

وێنە گەورەکە: بەرەبەیانی ڕۆژی سێشەممە 10-6-2025، هێزی دەریایی ئیسرائیل هێرشێکی گەورەی بۆ سەر بەندەری حودەیدە لە ڕۆژئاوای یەمەن ئەنجامدا و  ئەمەش یەکەمجارە کە هێزی دەریایی ئیسرائیل بە ئاشکرا بەشداری لە ئۆپەراسیۆنە ڕاستەوخۆکان بۆ سەر  پێگەی حووسییەکان دەکات.

 

ڕاگەیێنراوی فەرمی: سوپای ئیسرائیل ڕایگەیاند: لە سەرەتایی دەستپێکردنی هێرشەکانی ئیسرائیل بۆ سەر حووسییەکانی یەمەن ئەمە یەکەمجارە هێزی دەریایی بەشداری ئۆپەراسیۆنەکان بکات و هێزی ئاسمانیش نۆ جار هێرشی کردووەتە سەر بنکە و بارەگاکانی ئەو گرووپە.

 

قووڵتر: ئەم هێرشەی ئیسرائیل دوای ئەوە دێت کە ئێوارەی ڕۆژی دووشەممە داوای لە چۆڵکردنی بەندەرەکانی ڕاس عیسا، حودەیدە و سەلیف لە یەمەن کرد.