حکومەتی هەرێمی کوردستان ملیۆنان دینار بۆ هاوبەشانی پرۆژەی ڕووناکی دەگەڕێنێتەوە

ئاڤا نیوز

حکومەتی هەرێمی کوردستان یەک ملیار و 400 ملیۆن دینار بۆ 60 هەزار خێزانی هاوبەشی پرۆژەی ڕووناکی دەگەڕێنێتەوە.

چیرۆکی سەرەکی: پڕۆژەی ڕووناکی، پڕۆژەیەکی نیشتمانیی حکومەتی هەرێمی کوردستانە، تا کۆتایی ساڵی 2026 کارەبای 24 کاتژمێری بۆ هەموو هەرێمی کوردستان دابین دەکات.

زانیاریی بەدەستهاتوو: وەزارەتی کارەبای حکومەتی هەرێمی کوردستان، بڕی یەک ملیار و 400 ملیۆن دینار بۆ ئەو خێزانانەی هاوبەشی پڕۆژەی ڕووناکی دەگەڕێنێتەوە کە پارەی زیاتریان دابوو پێش جێگیربوونی نرخی کارەبا.

ئەوەی پێویستە بیزانیت: 60 هەزار خێزان لەو بڕیارەدا سوودمەند دەبن، بە تێکڕا 20 هەزار دینار کەمتر دەدەن بە پسووڵەی مانگی پێنج، لە هەندێ گەڕەکیش تێکڕای دەگاتە 80 هەزار دینار کەمتر.

لەهەمان کاتدا: بەهۆی ئەم بڕیارەوە 10 هەزار خێزان بۆ مانگی پێنج هیچ بڕە پارەیەک بە پسووڵەی کارەبا نادەن.