دۆناڵد ترەمپ ڕێککەوتنامەی فەرمی لەگەڵ چین ڕادەگەیەنێت

ئاڤا نیوز

سەرۆکی ئەمریکا بەشێوەیەکی فەرمی یەکلاکردنەوەی کێشەکانی نێوان واشنتن و پەکین لەڕێگەی واژۆکردنی ڕێککەوتنامەی نێوان هەردوو دەوڵەت لەبواری بازرگانی ڕادەگەیێنێت.

وێنە گەورەکە: پەیوەندییەکانی نێوان چین و ئەمریکا مێژوویەکی دێرینیان لە ناکۆکی و کێبڕکێی سیاسی و بازرگانی هەیە، لەگەڵ دەستپێکردنی خولی دووەمی سەرۆکایەتیی دۆناڵد ترەمپ، گەورەترین جەنگی بازرگانی لە نێوان ئەمریکا و چین دەستی پێکرد، لە بەرامبەر بڕیاری ترەمپ بۆ بەرزکردنەوەی ڕێژەی باجی گومرکی بۆ 145% لەسەر بەرهەمە چینییە هاوردەکراوەکان، وەڵامدانەوەی پەکین بریتی بوو لە بەرزکردنەوەی پێناسی گومرکی بە ڕێژەی 125% بۆ سەر بەرهەمە ئەمریکییەکان، ئەم بڕیارانەش هێندەی دیکە ناکۆکی نێوان هەردوو دەوڵەتی قووڵتر کردەوە.

بڵاوکراوەی فەرمی: دۆناڵد ترەمپ، سەرۆکی ئەمریکا لە پلاتفۆرمی تروس سۆشیال سەبارەت بە ڕێککەوتنی نێوان واشنتن و پەکین ڕایگەیاند: چین بەردەوام دەبێت لە هەناردەکردنی سەرچاوە سرووشتییە دەگمەنەکان و ئەمریکاش ڕێگە دەدات بە مانەوەی قوتابیانی چینی لە کۆلێژ و زانکۆکان، ئەمریکا 55% باجی گومرکی وەردەگرێت، چینیش بە ڕێژەی 10% باجی گومرکی وەردەگرێت.