ئیسرائیل: هێرشەکانمان بۆ سەر ئێران بەردەوام دەبن

ئاڤا نیوز

 

دوای ئەوەی ئێران بە سەدان مووشەک وەڵامی هێرشەکانی ئیسرائیلی دایەوە، وەزیری بەرگری ئەو وڵاتە دەڵێت، ڕژێمی ئێران هەموو هێڵە سوورەکانی بەزاند.

 

وێنە گەورەکە: بەرەبەیانی ڕۆژی هەینی 13-6-2025، سوپای ئیسرائیل بە سەدان مووشەک هێرشی چڕی کردە سەر دەیان بنکەی سەربازی و دامەزراوەی ئەتۆمی لە سەرتاسەری ئێران و بەهۆیەوە زیاتر لە 78 هاووڵاتی کوژران و زیاتر 320 کەسی دیکەش برینداربوون، ئێرانیش وەڵامی هێرشەکانی بە هێرشێکی بەرفراوان دایەوە و سێ کەس کوژران و دەیانی دیکە برینداربوون.

 

لێدوانی فەرمی: ئیسرائیل کاتز، وەزیری بەرگری ئیسرائیل دوای ئەوەی ئێران چوارەم شەپۆڵی مووشەکی بۆ سەر وڵاتەکە ئەنجامدا ڕایگەیاند: ڕژێمی ئێران بە ئاراستە کردنی  مووشەک بۆ سەر بەرەی ناوخۆیی تەلئەڤیڤ هێڵە سوورەکانی بەزاندووە و باجەکەشی بە قورسی دەدات.

 

لەلایەکی دیکەوە: کاتز گوتی، هێزەکانمان بەردەوامن لە ئەنجامدانی هێرش بۆ سەر ئێران و بەئامانجگرتنی پێگە ستراتیژییەکان، بەپێی ئەو پلانانەی کە پێشتر ئامادەکراون.