ئێران هێرشێکی نوێی مووشەکی  و درۆنی بۆ سەر ئیسرائیل دەستپێکرد

ئاڤا نیوز

سوپای پاسدارانی ئێران 19ـەهەمین هێرشی سەربازیی وڵاتەکەی بۆ سەر ئیسرائیل دەستپێکرد و ڕایگەیاند، لەم هێرشەدا مووشک و درۆن بەکارهێنراوە.

وێنە گەورەکە: لە 13ی ئەم مانگەوە ئیسرائیل و ئێران جەنگێکی فراوانی سەربازییان دژی یەکتریی دەستپێکردووە و لەو ماوەیەشدا جگە لە بە ئامانجگرتنی بنکە و بارەگا سەربازییەکان، ژێرخانی ئابووریی، بازرگانیی و ناوچەکانی دانیشتووانیش لە هێرشەکان پارێزراو نەبوو.

ڕاگەیێنراوی فەرمی: سوپای پاسداران لە ڕاگەیێنراوێکدا دەڵێت، ئەمشەو 19ـەهەمین شەپۆڵی هێرشەکان لەچوارچێوەی ئۆپەراسیۆنی بەڵێنی ڕاستگۆ3 بۆ سەر ئیسرائیل" دەستیپێکرد،  جەختیش دەکاتەوە کە ئۆپەراسیۆنەکانیان لە دژی ئیسرائیل بەردەوام دەبێت. 

 

- ئاماژەی بەوەشکردووە، هۆشداریی دەدەن بە سیستمی بەرگریی ئیسرائیل کە هێرشەکانیان بەردەوام دەبن و بە قۆناغیش زیاتر دەکرێن، لە هێرشەکانیشدا ئامانجە سەربازیی و ستراتیژییەکانی ئیسرائیل بە ئامانج دەگرن.

 

 

لەلایەکی دیکە: بەگوێرەی زانیاریی میدیاکان جموجۆڵی نائاسایی لە ئاسمانی بنکەی ئەتۆمیی فۆردۆ هەیە.

 

سوپای پاسداران دەڵێت: درۆنەکانی شاهید 136  گەیشتنە ئاسمانی عێراق و ئاراستەی ئیسرائیل دەکرێن

 

نوێ دەکرێتەوە...