دیموکراتەکان: ترەمپ بەبێ‌ ڕەزامەندی كۆنگرێس بۆی نییە هێرش بكات

ئاڤا نیوز

بڕیاری هێرشە ئاسمانییە بەرفراوانەکەی دۆناڵد ترەمپ، سەرۆکی ئەمریکا بۆ سەر دامەزراوە ئەتۆمییەکانی ئێران، كاردانەوەی سیاسیی لە کۆنگرێسی وڵاتەكەی لێکەوتەوە.

 

وێنەگەورەکە: بەرەبەیانی ڕۆژی یەکشەممە 22-6-2025،  ئەمریکا بە هێرش کردنە سەر پێگەی سەرەکی ئەتۆمی ئێران بەشداری جەنگی نێوان ئیسرائیل و ئێران کرد و جەنگەکەی بردە نێو قۆناغێکی نوێ و کاردانەوەی نێودەوڵەتی بەدوای خۆیدا هێنا.

 

لێدوانی فەرمی: جاک شومەر، سەرۆکی دیموكراتەكان لە ئەنجومەنی پیران، لە بەیاننامەیەکدا ڕایگەیاند: 
-نابێت هیچ سەرۆکێکی وڵات بچێتە ناو شەڕێکەوە بەبێ ڕەزامەندی کۆنگرێس، ئەوەی ڕوویدا خێرا بڕیار دانە و  پێگەی ئەمریکا لاواز دەکات لەبری ئەوەی بەهێزی بکات.

-ترەمپ تۆمەتبارە بە پێشێلکردنی دەستووری ئەمریکا و دەسەڵاتی خۆی تێپەڕاندووە بە بەکارهێنانی هێزی سەربازی بەبێ مۆڵەتی یاسایی.

- ترەمپ بەبێ‌ ڕەزامەندی كۆنگرێس بۆی نییە هێرش بكات.